तपाईं उड्नु अघि

• उडान लामो समयको हुन सक्छ, त्यसैले विमानमा चढ्नु अघि टर्मिनलमा केही हिँडफिर गर्नुहोस्। 
• विमानको हावा सुख्खा हुने भएकाले छालामा मोइस्चराइजर प्रयोग गरेर छाला ताजा राख्नुहोस्।
• उडान अघि भारी खाना नखानुहोस्।
• उडानको एक दिन अघि रक्सी, चिया र कफीको सेवन सीमित गर्नुहोस्।
• आरामदायी कपडा लगाउनुहोस्, टाइट फिट गरिएको पोशाक नलगाउनुहोस्।  

आफ्नो उडान समयमा

• हाइड्रेटेड रहनुहोस्: उडानको समयमा बारम्बार पानी र जुस पिउनुहोस्।
• मदिरा, चिया र कफी सीमित गर्नुहोस्: यी पेय पदार्थले मूत्रवर्धकको रूपमा काम गर्दै शरीरलाई निर्जलीकरण गर्न सक्छ।
• हल्का खाना खानुहोस्: उडानको समयमा शरीर निष्क्रिय हुने भएकाले भारी खाना पचाउन गाह्रो हुन्छ।
• छालालाई हाइड्रेट राख्नुहोस्: मोइस्चराइजर प्रयोग गर्नुहोस्।
• मांसपेशीलाई आराम दिनुहोस्: उडानको समयमा मांसपेशी तनावग्रस्त हुन सक्छ, जसले ढाड दुख्ने र थकान ल्याउँछ। हल्का स्ट्रेच गर्नुहोस् वा गलियारेमा हिँड्नुहोस्।

जेट ल्यागलाई कसरी हराउने

विभिन्न समय क्षेत्र पार गर्दै शरीरलाई नयाँ दिन–रातको चक्रमा समायोजन गर्न पर्याप्त समय नदिई यात्रा गर्दा जेट ल्याग हुन्छ। जेट ल्यागका सामान्य लक्षणहरू निद्रा नलाग्नु, थकान महसुस हुनु, भोक नलाग्नु र टाउको दुख्नु हुर्न्। जेट ल्यागको लागि निश्चित उपचार नभए पनि यसको असर कम गर्न तलका केही उपायहरू अपनाउन सकिन्छ :

• उडानअघि पर्याप्त र गुणस्तरीय निद्रा लिनुहोस्।
• गन्तव्य स्थानको स्थानीय खानाको समयअनुसार हल्का भोजन गर्नुहोस्।
• धेरै भारी खाना नखानुहोस्, किनकि शरीर निष्क्रिय अवस्थामा हुँदा खाना पचाउन गाह्रो हुन्छ।
• केही हल्का व्यायाम गर्नुहोस्। यदि गन्तव्यमा पुगेपछि सुत्न गाह्रो भइरहेको छ भने, हिँड्न जानु उपयोगी हुन्छ।
• सामान्यतया शरीरको जैविक घडीलाई प्रत्येक समय क्षेत्रसँग समायोजन हुन करिब एक दिन लाग्छ। यात्रा दूरी र व्यक्तिको शारीरिक अवस्थाअनुसार यो समय अझै लामो पनि हुन सक्छ।
• सुत्नुअघि क्याफिनयुक्त पेय पदार्थ तथा मदिराको सेवन नगर्नुहोस्।

 गर्दन घुमाउने व्यायाम (Neck Roll)

टाउको सीधा राख्नुहोस्।

दायाँ कान काँधतर्फ झुकाउँदै बिस्तारै घाँटी घुमाउनुहोस्।

ठोढी छातीतर्फ झुकाउनुहोस्।

त्यसपछि घाँटीलाई बायाँ कान बायाँ काँधतर्फ पुग्ने गरी घुमाउनुहोस्।

टाउको पछाडितर्फ फर्काउनुहोस्।

यही अभ्यास घडीको दिशामा र उल्टो दिशामा दुवै तरिकाले गर्नुहोस्।

नाडी घुमाउने व्यायाम (Wrist Rotation)

दुवै हात अगाडि सिधा तन्काउनुहोस्।

मुट्ठी कस्नुहोस्।

औंला र एडी उठाउने व्यायाम (Tip-Toes & Heels)

दुवै खुट्टा जमिनमा सिधा राख्नुहोस्।

एडी जमिनमा राखी औंलाहरू जति सक्दो माथि उठाउनुहोस्।

केही सेकेन्ड रोक्नुहोस् र खुट्टा फेरि सिधा राख्नुहोस्।

अब औंलाहरू जमिनमा राखी एडीहरू माथि उठाउनुहोस्।

यही प्रक्रिया दोहोर्याउनुहोस्।

खुट्टाको घुँडामुनि घुमाउने व्यायाम (Ankle Circles)

दुवै खुट्टा हल्का गरी हावामा उठाउनुहोस्।

एउटा खुट्टालाई घडीको दिशामा घुमाउनुहोस्।

अर्को खुट्टालाई घडीको विपरीत दिशामा घुमाउनुहोस्।

केही बेरपछि खुट्टा बदल्दै अभ्यास दोहोर्याउनुहोस्।

काँध घुमाउने व्यायाम (Shoulder Roll)

शरीर सीधा राख्नुहोस्।

काँधलाई अगाडि, माथि, पछाडि र तल घुमाउँदै वृत्ताकार चाल दिनुहोस्।

यही अभ्यास अगाडि र पछाडि दुवै दिशामा गर्नुहोस्।

हात तन्काउने व्यायाम (Arm Stretch)

दायाँ हात माथि उठाएर बायाँतर्फ ल्याउनुहोस्।

बायाँ हातले दायाँ हात समातेर बिस्तारै तन्काउनुहोस्।

केही सेकेन्ड रोक्नुहोस्।

अब यही अभ्यास बायाँ हातबाट दायाँतर्फ दोहोर्याउनुहोस्।